Gang ame touye yon polisye bò lopital Bernard Mevs la

The content originally appeared on: juno7 – Haïti News

Yon polisye pèdi lavi l anba bal asasen bò lopital Bernard Mevs la jodi vandredi 12 avril 2024.

Endividi ak zam ilegal kontinye ap simen dèy nan mitan lapolis la. Sou kont X li, Sendika Nasyonal Polisye Ayisyen yo (SYNAPOHA) anonse polisye Pierre Fritz Chenet pèdi lavi l anba bal jodi vandredi 12 avril 2024 la tou pre lopital Bernard Mevs.

Toujou dapre sendika lapolis la, polisye viktim lan soti nan 28e pwomosyon lapolis la e li t ap travay nan komisarya Ayopò a. Toujou dapre enfòmasyon SYNAPOHA kominike, polisye a rive pèdi lavi l pandan l t ap soti wè yon pwòch li nan Vilaj Solidarite.

Fòk nou raple nan dat 20 ms 2024 la, nèg ak zam moun pat rive idantifye te touye polisye Noël Anel ki soti nan 17e pwomosyon lapolis la. Zak sa a te pase nan Dèlma 72 e jiskaprezan pèsonn pa konn rezon ki te lakoz zak sasinay sa a sou ajan USPM lan.

À lire aussi :

Port-au-Prince : Champ de Mars et carrefour de l’aéroport, deux zones à risque ces derniers jours