Kwadèboukè: Clifford Dumé enfòme tout moun li rejwenn ti sè l la

The content originally appeared on: juno7 – Haïti News

Kwadèboukè: atis Clifford Dumé enfòme tout moun li rejwenn ti sè l la epi fè konnen ti kouzen li an rantre lakay tou.

Nan yon nòt li pibliye sou paj Instagram li yè lendi 22 janvye 2024 la, atis Clifford Dumé enfòme tout moun li rejwenn ti sè l la nèg ak zam nan Kwadèboukè te kidnape aprè yo te fin tiye papa l avan sa devan Lise Jacques 1er. Chanpyon konkou Podium Quartiers a te gen yon ti kouzen l tou ki te lopital ki fini pa rantre lakay li. Li remèsye anndan nòt sa moun ki te pote sipò yo pandan moman difisil la.

“Staf Clifford Dumé ap salye tout fàn li yo e di nou mèsi paske nou toujou kanpe ak li (…) n ap anonse se gras ak priyè w e sipò w ti sè Clifford Dumé ak ti kouzen l lan rantre lakay yo”, se sa nòt la fè konnen.

Atis la pwofite remèsye chak moun ki te pote soutyen nan nivo yo kapab nan moman difisil l ap travèse a ak fanmi l kote sitiyasyon ensekirite anndan peyi a lakoz li pèdi papa l dimanch ki sot pase a aprè nèg ak zam deside tiye l devan Lise Jacques 1er ki nan komin Kwadèboukè.

Clifford Dumé kontinye mande konkou lapriyè pou fanmi li. N ap raple w se li ki chante mizik lanmou inosan an, yon chante moun renmen anpil ki fè chemen l tou sou rezo sosyal yo ak nan medya ayisyen yo.

Dekouvri plis:

Le taux de référence calculé par la BRH pour ce mardi 23 Janvier 2024